بالامس كنا مارين معرض كنوز للمجوهرات في قاعة الراية
واحنا طالعين قلنا نتعشى في مطعم برغر بوتيك بعد ما تم افتتاحه مع مينو جديدة اورغانيك
لاحظت المشروبات عندهم نوع صودا اورغانيك بدون كافيين وبدون غلوتين
وبنكهات الكولا والفراوله وغيرها
قلنا نجربها
طعمها طلع نفس المياة الغازيه والسكر قليل طعمه مقبول
Buffalo Shrimp
ربيان البافلو الحلو الحار
كانت حرارته معتدله وطعمه لذيذ انصح فيه
Comando Fries
بطاط مقلي بالجبن وصلصه خاصة
طلبنا برغر مانهاتن حجم عادي
ووحده برغر سلايدر حجم صغير
كان الفرق بالحجم بسيط لان البرغر العادي اصلا حجمه صغير مثل الشيز برغر
بس كانت لذيذه وخفيفه انصح فيها
واحنا طالعين نصحنا مدير المطعم بتجربه الايس كريم مالهم
يقول لي انه هوم ميد يعني من صنعهم وقليل السعرات وطبيعي بدون مواد حافظه
عطاني هذا الايس كريم مجانا لتجربته
بطعم البينت بتر مع كاكاو الفليك وقطع البيكان
صج صج حبيته ماتوقعت انه لذيذ جذي
لازم المره اليايه اطلب لي اكبر حجم
برغر بوتيك موجود في مجمع الراية
