بعد ما اعلنت ابل عن الايفون ٦ و ٦ بلس
احترت بين الحجمين واي حجم يناسبني
خاصه للي بيطلب من النت قبل لا يشوفه او يقايسه في ايده
لقيت هذي الصوره اللي فيها حجم الايفون الحقيقي
طبعتها وشفت حجم الايفون بايدي
قبل كنت رافضه حجم الايفون ٦ بلس اعتقدت ان كبير وايد وكنت مقرره اني اطلب الايفون ٦ الاصغر
لكن بعد ما طبعت الورقه وشفت احجامهم بايدي
قررت اطلب الايفون ٦ بلس وخاصه ان حجمه مو كبير وايد
اللي نفس حالتي وبيطلب من ستور بريطانيا
اطبع الورقه وقايس حجمهم بايدك
المصور اوستن مان قام بتجربه تصوير كاميرا الايفون ٦ والايفون ٦ بلس
مع الايفون ٥ اس
مع ان الكاميرا في ال٣ اجهزه نفس القوه ٨ ميغا بكسل
لكن مع تركيز الصوره الاوتوماتيكي الاوتو فوكس و والسينسور العالي وتثبيت الاهتزاز بالصوره
طلع صور واضحه للغايه مع اضاءه رائعة بنتائج افضل من الايفون ٥ اس
مع تصوير التايم لابس والسلو موشن والبانو
الفيلم مصور بالايفون ٦ و ٦ بلس
موقع المصور لصور اكثر مع تأثيرات وبدون تأثيرات للصور
قبل اسبوع تقريبا تلقيت دعوة لحضور حفل الكولكشن الخريفي الشتوي لمحل كينزو
KENZO
في مجمع الافينيوز
وهذي بعض اللقطات من المحل
شكرا عالدعوة
#KrazyforKENZO
اليوم زرت معرض فيلا اونو اكسبو في مجمع ٣٦٠
المعرض من تاريخ ٢٣ الى ٢٥ سبتمبر
من ١٠ ص الى ١٠ م
والمعرض منتوع فيها ازياء واكسسوارات وعطور وكاكاو ومواعين وغيرها
وهذي لقطات من المعرض
حضرت المعرض بدعوة من سمرش
@samarish
وهذي بعض اللقطات لاكسسواراتها الجديدة
ومميزه كعادتها
عطر سمرش وااايد حلو حبيته
خلطه عطور عربيه عود على بخور على مسك حبيته لازم تجربونه
بامبي لمنتجات البشره الطبيعية
حبيت اللوشن ومزيل العرق الطبيعي من المسك
منتجاتهم حلوة
المعرض في ٣٦٠
من ١٠ ص لي ١٠ م
للي حاب يزورهم
شكرا سمر عالدعوة
بعد مانزل الايفون ٦ بالسوق
بدأت تطلع بعد العيوب مع الاستعمال
لاحظوا اكثر من شخص انحناء الايفون بشكل واضح بعد حمله في جيبهم الامامي بالبنطلون
طبعا لانه مصنوع من الالمنيوم وشاشته حجمها كبير
ابل استبدلت الايفون المنحني بجديد للمستخدمين اللي رجعوا الجهاز لهم.
حطوا بالكم تحطون الايفون ٦ او ٦ بلس في جيبكم
الا انكم تلبسون بنطلون رياضي واسع لتفادي المشكله او ممكن كڤر قوي يحميه
فيديو ينحني فيه الايفون ٦ بلس بقوة اليد فقط
الايفون عادة يأتي معاه الشاحن بقوه
5W
والايباد يأتي معاه شاحن اقوى بقوه
12W
فقامت مجموعه من اعضاء موقع اي لاونج وماك رومرز
بتجربه شحن الايفون ٥ اس مع شاحن الايباد ذو القوة الاكبر لاحظوا ان الايفون ٥ اس يسحب فقط طاقه
5W
وليس القوة الكامله لشاحن الايباد.
لكن لما جربوا شاحن الايباد مع الايفون ٦ و٦ بلس لاحظوا ان الايفون يشحن بالطاقه الكامله لشاحن الايباد
12W
ويتم شحنه بالكامل تقريبا خلال ساعتين فقط
لذلك ممكن تسرع شحن ايفون ٦ و٦ بلس مع شاحن ايباد ولا تنفع مع الايفون ٥ اس
GIF Keyboard برنامج
لوحة مفاتيح فيها صور متحركة جاهزة ممكن استخدامها بدال الايموجي او الوجوه الموجوده على لوحه الكتابة بالايفون
الحلو فيها ان التعبيرات توصل مشاعرنا بشكل افضل من الوجوه المتوفره بالكيبورد
في مجموعه من الصور المتحركة الجاهزه من عده افلام او مسلسلات مشهوره
وممكن اي صوره متحركه بالنت تلاقيها تضيفها على هالصور اللي ممكن تستخدمهم في برامج التواصل مثل
iMessage, WhatsApp, Twitter, Messenger, SnapChat, and Email
حاليا مجاني البرنامج
ويشتغل فقط عالاي او اس ٨
iOS8
كوب فيسيل
كوب ذكي بمجرد تصب فيه السائل
يعرف نوع المشروب وكميه السكر وكمية البروتين والسعرات الحرارية
وكميه السوائل اللي شربتها طوال اليوم
تطلع المعلومات على سطح الكوب الكترونيا
وبنفس الوقت توصل المعلومات الى جهازك الايفون في برنامج خاص له
ويحسب لك كل السكريات والسعرات الحرارية وكمية الماء المشروبه طوال اليوم
الكوب راح يتوفر في بداية ٢٠١٥
ويوجد طلبات مسبقة بسعر ٣٠ دينار للكوب الواحد
ذا كيك شوب
شغل بيت كويتي متخصصين بالكيك والحلويات
جربت منهم نوعين كيك في يمعتنا
الكيكة شكلها وايد حلو ومرتب
تنفع للمناسبات
وهذا شكلها من الداخل نصها فانيليا ونصها كاكاو
كانت حلوة
وهذي كيكة الرد فيلفيت
واااايد لذيذه وترفه والفروستنغ بطعم الجبن مثل الرد فيلفيت التقليدية
حبيتها وااايد اكثر من الكيكة الثانية
والكل حب الرد فيلفيت اكثر
انصح تطلبونها وتجربونها
اللي يبي يطلب من ذا كيك شوب
عالواتس اب
97404744
شكرا عالكيك الحلو
Filed under: sweets Tagged: cake, cheese, cheese frosting, deliciuos, frosting, home made, kuwaiti, love, q8, red, red velvet, the cake shop, velvet 
صابون هيفين هي شركة كويتية
متخصصه في صناعه الصابون الطبيعي ومرخصة من وزاره الصحة
كل مكونات الصابون من مواد طبيعية
ويتم صناعته باليد
وخالية من الصوديوم لوريل سلفيت والبرابين او اي ماده صناعية
صابونهم مناسب للي بشرتهم حساسة وللاطفال
زبدة الشيا وزبدة الكاكاو
تدهن فيها الجسم كله لترطيبه
تذوووب باليد
صابونه حليب الماعز مع مع زبدة الشيا
صابونة بازهار البابونج وزيت اللوز و٦ زيوت اخرى
صابون هيفين الصراحه شغلهم مرتب
وما كان عندي فكره ان في ايادي كويتيه مبدعه تصنع هالصابون الطبيعي بالاشكال الحلوة
عندهم منتجات اخرى غير الصابون
عندهم صنفره طبيعيه بملح البحر الميت وزبده كاكاو للشفايف ولوشن للجسم وانواع مختلفه من الصابون
ممكن تطلبون منهم عالتلفون
00965-23920653
وممكن تطلبون من موقعهم الالكتروني
وهذا حسابهم الانستغرام
كل الشكر عالصابون الطبيعي
دكتور جوس منزل علب تقديم بالحجم الميني
للعصاير الفريش
شكلها وااايد حلو للتقديم
حجم كل علبه ١٥٠ مل كبر حجم التفاحه الوسط
وتوصل للبيت بعلبه الايس بوكس الفلين المتروسه ثلج
جربنا اكثر من نوع
كل واحد احلى من الثاني
عوار قلب والكاريبيان والرمان وليمون بالنعناع والرقي طلبوهم وانتوا مغمضين :)
للي يبي شكل حلو وفنتق للتقديم
يطلب منهم
عندهم فرعين واحد بالشعب البحري بجانب نادي فليكس
والثاني في العارضية
وعندهم توصيل للمنازل
فرع الشعب البحري : 97581113-22633838
فرع العارضية : 96981700
مشكور دكتور جوس عالفناتق الحلوة
تعودنا اللي يروح البحرين لازم نوصيه على هذي الصوغه كل مره :)
اهم شي طبعا الحلوى البحرينية اللذيييذة
شخصيا نفضل حلوى حسين شويطر سنين واحنا دايما ناخذ منهم
المتاي المشكل لااازم ناخذه من محل متاي متولي
شغله فريش ولذيييذ
متاي سبايسي حااااار
لوز بحريني
طرشي ليمون شغل بيت
عجييييب
اجار بالحجم الميني
اول مره نشوف هالحجم
على منغا وخضار وفلفل
وطبعا لازم ماي اللقاح والزموته والمرقدوش
دايما تكون هذي الصوغه البحرينيه اللذيذه
صارت من العادات والتقاليد
ولازم نوصي اللي رايح البحرين اييب لنا منها :)
ياحلو البحرين واهل البحرين
مريت قبل عطلة العيد معهد فيكتوريا للغة الانجليزية
واخذت فكرة عن دوراتهم للغة الانجليزي وخاصه ان بنتي في الروضة وتحتاج تقوية بالانجليزي
تفاجآت ان المعهد ياخذ من عمر ٥ سنوات الى اكثر من ٦٠ سنة
عندهم كلاسات للغة الانجليزي والعربي وكلاسات لحل الواجبات
لمرحلة الروضة يعطونهم عربي وانجليزي
لمرحلة الابتدائي والمتوسطة والثانوي
يعطون انجليزي ورياضيات وعربي ويراجعون المواد اللي ياخذونها الطلبة بالمدارس
وعندهم المنهج الحكومي ومنهج المدارس الخاصة
ولطلبة الجامعة بعد يقدمون دورات انجليزي
او ممكن تقويه باي مادة بالجامعة
المعهد متكامل للتقوية بأي مادة لأي عمر
واهم شي المكان امن والستاف حبوبين ومرحبين
واشوف اليهال مستانسين
وعندهم رحلات ونشاطات مختلفه للاطفال
وهذي لقطات صورتها وانا بالمعهد
هذا صف الروضة
صف اللغة العربية
صف الروضة
كلاس الانجليزي
صف الروضة
كلاس الانجليزي المرح
اهتميت اكثر بصفوف الروضه لان بنتي بعمرهم
٣ ساعات ونص باليوم
من ٤ العصر الى ٧:٣٠ بالليل وفي بريك نص ساعه بين الكلاسات
ساعه عربي وساعه انجليزي وساعة انجليزي مرح
المرحلة الابتدائية
المرحلة المتوسطة
عجبني المعهد وايد والادارة كويتية ومتواجدين على طول بالمعهد واسعارهم جدا معقوله
وان شاء الله اجربه وادخل بنتي عندهم
مكانهم عالبحر خلف جمعية المهندسين
وهذي تلفوناتهم للاستفسار
ت: 22479979 – 69962600
واتس اب 69000420
وهذا موقعهم فيه كل دوراتهم وبرامجهم
انستغرامهم
حلقة الاي رينغ
تلزق بكل سهوله عالايفون او اي هاتف
ومعاها ممكن تمسك الايفون بكل احكام وراحة
او ان يكون ستاند للايفون لمشاهده الفيديو
ومتوفر معاها ايضا قطعه لازقه للسيارة
ممكن تعلق فيها الحلقة بشكل عمودي او افقي
سعر هذا الستاند او الحلقة معقول جدا
ب ٣.٥ دينار
وتلاقونه من موقع يو باي الكويتي وعندهم توصيل للبيت
شكرا يو باي عالستاند
ابل اعلنت رسميا في موقعها عن موعد اصدار الايفون ٦ و٦ بلس في الكويت في تاريخ ٣٠ اكتوبر هالشهر
وفي موقع ابل حاطين اماكن توفرهم الرسمي في شركة
زين وڤيڤا
معناته الاسعار راح تنزل وتصير مثل السعر الرسمي لابل
انتظروا نزوله رسمي بالكويت بعد اسبوعين
لاسعار اوفر
بيتيت باتو ماركة فرنسية معروفه لملابس الاطفال صار لها ١٢٠ سنة من تأسيسها
ارسلوا لنا هدية العودة للمدارس
فيها مقلمة وجنطة ولعبة التركيب والصابون الفقاعات وغيرها
واليهال حبوها
محل بيتيت باتو متواجد في الافينيوز بالمرحلة الثانية
شكرا عالهدية
غوغل تعلن عن نظام التشغيل الجديد للاندرويد
باسم لولي بوب
اهم خاصية لهذا النظام انه تم توحيد شكل النظام على جميع اجهزه الاندرويد
مثلا جهاز التلفون واللوحي والتلفزيون لهم نفس شكل النظام
وممكن تكمل شغلك من جهاز لاخر بكل سهوله
الوان اللولي بوب صارت احلى واوضح
والتحكم بالاجهزه اسرع وانعم ودقيقه اكثر
نظام الحماية صار اقوى
وعمر البطارية اكثر من السابق ب ٩٠ دقيقه
نزل النظام حاليا على اجهزه النيكسوس
